C&I Minister in Lengte-a EPIP hmun a tlawh

Commerce & Industries Department Minister F. Rodingliana chuan nimin khan Lengte-a Export Promotion Industrial Park (EPIP) tlawhin Industrial Unit hrang hrangte awmze nei zawka bun a nih theih nan ruahmanna siamte a enpui.

Lengte-a EPIP Re-Plotting hna hi Commerce & Industries Department leh Chief Architech, Mizoram PWD ten buaipuiin, Industry thuhmunte chu hlawm khata dahkhawm tura ruahman a ni a. EPIP chhunga inkalpawhna mumal tak a awm theih nana a ruahmanna leh felfai taka Power Supply Lline zam dan turte enho a ni. EPIP, Lengte chhunga Industry-a hman tur Powerline hranpa siam dan turte Power & Electricity Minister ni bawk F. Rodingliana ho hian en nghal niin, Power Supply mumal leh tha neih a nih theih nan Sihhmui Sub-Station atanga 11 kV line hmanga EPIP Lengte chawm dan turte sawiho a ni a. Tun dinhmunah Domestic Consumer line dangte nen inthlunpawlh rih a nih avangin line dang siamthat apiangin kawlphetha inpekna a chatlak phah thin thu sawi a ni bawk.

Industries Minister F. Rodingliana chuan Industry inangte hmun khata a hlawma dahkhawm a nih chuan Industry atanga bawlhhlawh chhuak (waste product) te pawh awmze nei a sawngbawl leh hman ttngkai theih a nih beisei thu a sawi a. EPIP, Lengte chhunga hmasawnna hnathawh mekte bakah Industrial Unit te tui mamawh ang mumal zawka pek dan turte a enpui nghal a, Industrial Estate Luangmual-a hmasawnna hnathawh mek te a en nghal bawk.