Vety Deptt. in thlirletna nei

AH&Vety Department chuan nimin khan Aizawl-a Polyclinic Conference Hall-ah State puma Scheme leh Project hrang hrang Department hnuaia kalpui mekte thlirletna, 'State Level Review Meeting' an nei a, he hun hi AH&Vety Minister C. Lalsawivunga chuan hmanpuiin Vety Officer kalkhawmte chu inpekna leh thahnem ngaihna nena thawk zel turin a fuih a. Sawrkarin scheme leh project tha tak tak a duante chu rawng an bawl sak mipuite tana tangkai a ni tih hre thar leh theuh turin a chah bawk. He hunah hian AH&Vety Department hnuaia Hand holding Scheme kaihhnawiha mipuite leh Department-te langtlang zawka an thawhho theihna tur 'Hand holding Portal' tlangzarhna hun hman nghal a ni a, an hmalakna hrang hrangte pawh he hunah hian an thlirho nghal bawk a ni.