Kawng dan titawp rih, Total Bandh neih tum

Zonuna Kawlni (LENKAWL) • May 1, 2025 • Comments • Mizoram

Mizo Zirlai Pawl (MZP) Hqrs. Lunglei ten Aizawl-Thenzawl-Lunglei (ATL) Road siamna sum dahlet phut-a lungawi lohna an lantirna chu nimin khan chhunzawm zel niin a ni thumna atan kawngpui dan chhunzawm leh a ni a. Amaherawh nimin thlenga sawrkar atanga thu lawmawm an dawn loh avangin nizan dar 6:00 atang khan kawng dan hi an titawp a. MZP Hqrs. Lunglei chuan nimin tlai khan Emergency Meeting neiin May ni 2, 2025 (Zirtawpni) zing dar 6:00 atangin Total Bandh nei turin an rel a, Vawiin May ni 1 (Ningani) chu mipuite’n an mamawh an lakkhawm theihna hun atan ruahman a ni.