Union MoS in Khawzawl District a tlawh

Zonuna Kawlni /

Union Minister of State for MSME leh Labour & Employment, Shobha Karandlaje chuan nimin khan Khawzawl District tlawhin Khawzawl-a Sawrkar Department Office hotute a kawm a, Khawzawl leh Chawngtlai khaw hmun hrang hrang a tlawh bawk.

Union Minister Shobha Karandlaje-i hian Helicopter hmanga Khawzawl hi thlengin an District Bawrhsap K. Vanlalthiana leh sawrkar hotu dang te'n an lo dawngsawng a, DC Auditorium-ah sawrkar Department hotute nen inkawmin Department hrang hrang te chu zawhna sawtin a hriat duh zawng a zawt a, scheme chi hrang hrang - PMEGP, PM Vishwakarma, MGNREGA, PM KISAN, Jal Jeevan Mission leh department kaihhnawih hrang hrang chungchang hotute a sawipui bawk. Union Minister chuan District hotute'n tha taka an dawnsawn avangin lawmthu a hrilh a, District tana theihtawp chhuah tura sawmin, hna tul ngai pawimawha eirukna leh hlemhletna laka fihlim tlat turin a chah a ni.

He hunah hian Bawrhsap K. Vanlalthiana chuan Union Minister in Khawzawl District a lo tlawh avanga lawmthu sawiin, SDO (Sadar) Suvigya S. Chandra chuan Khawzawl District chungchang inhrilhhriatna PowerPoint presentation hmangin a pe a, Department hrang hrang hmalakna te leh scheme hrang a sawilang a ni.

Union Minister hian Govt. Little Flower School tlawhin zirtirtute leh zirlaite a kawm a, PMAY(G) hnuaia In sak te tlawhin Chawngtlai a pan nghal a, MzSRLM Rurban Centre te, Passion Fruit Processing Unit te leh Chawngtlai Anganwadi te tlawhin Chawngtlai mipui te a kawm bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »