Larsap in Workshop telpui

Sawrkar laipui-a Department of Science & Technology leh Mizoram University bakah IBITF, IIT Bhilai tangkawp buatsaih ni hnih awh tur, 'National Workshop on AI-Driven Financial Empowerment for Mizoram' chu nimin khan MZU Auditorium-ah neih tan niin Governor leh MZU-a Chief Rector General (Dr) Vijay Kumar Singh chuan khuallian niin a hawng a, Artificial Intelligence tangkai taka hman a nih theih nana inzirtirna buatsaih a ni chu lawmawm a tih thu sawiin, IIT Bhilai-in North Eastern Region tana Tribal Area Sub Plan Scheme hnuaia AI Driven Financial Technology Project 36 a kalpui zinga 11 (MZU 6 leh NIT 5) lai Mizoram-a kalpui a ni chu lawmawm a tih thu a sawi bawk. He hunah hian mithiam hrang hrang ten thu sawiin, Larsap hian Tribal Area Sub Plan Scheme hmanga project leh entrepreneur tanpuina pekte tarlanna booklet a tlangzarh nghal bawk.