MUHC Funding tur Loan chungchang sawifiah

ZPM Thalaite chuan MUHC Funding na tur ADB a loan dil chungchangah Loan process dan kalphung pangngai in tunah hian hmalak mek a ni tih an sawi.

Nimin a thuchhuah an siamah ZPM Thalaite chuan Health Minister hlui Dr. R. Lal-thangliana’n ‘Asian Development Bank atanga Loan puk phalna MNF Sawrkar in a ti fel tawh’ tia a sawi chu thudik chanve a nih thu leh theihtawp chhuaha hma an lo lak tawhna erawh tha an tihpui thu an sawi a. Asian Development Bank atanga Loan lak tumna hi MNF Party Sawrkar lai, May 31, 2022 khan 128th Screening Committee of Department of Economics Affairs (DEA) chuan ngaihtuahin NITI Ayog, Ministry of Health & Family Welfare te Comments lain, anni hnen atanga comments lak a nih hnuah June 14, 2022 ah Screening Committee chuan approval a pek thu leh he approval hi Loan lakna tura Approval a ni lo tih an sawi.

ZPM Thalaite chuan Screening Committee Approval hmuh a nih hnuah Fact Finding Mission neiin ADB hotute pawh Mizoram-ah lo kalin Fact Finding Mission tih ngaite tiin Loan Approval pek hmain Independent Verification Agency (IVA) chu tifel hmasa turin Mizoram Sawrkar chu an hriattir bawk tih an sawi a. Loan lakna tura MNF Sawrkar laia Proposal siamsa hi Grant Fund tura tih niin, amaherawhchu Universal Health Coverage atan Grant pek theihna hi Central Govt. Policy-ah a awm loh avangin Proposal chu ennawn (re-examine) turin DEA chuan Asian Development Bank leh Mizoram Sawrkar chu Nov. 22, 2024 khan a hriattir tih an sawi bawk.

ADB puihna in Mizoram Sawrkar chuan Proposal siam ngai te siam thar lehin proposal thar hi DEA-ah thawn leh a nih thu leh hmalakna te tarlangin, Loan process dan kalphung pangngai in tunah hian hmalak mek a nih thu an tarlang a ni.