Serchhip-ah Artificial Intelligence (AI) zirhona nei

Zonuna Kawlni /

Serchhip District chhunga sawrkar hna-thawk te, tlawmngai pawl hrang hrang hruaitute leh khawtlang hruaitute tan nimin khan Artificial Intelligence (AI) hman dan zirhona neih a ni.
 Serchhip Bawrhsap Pisapui Hall-a he zirhona hun hi Serchhip Bawrhsap Paul L. Khuma chuan hawngin hriatna leh thiamna pun chak zia leh chumi mila kan inherrem thiam a ngaihzia a sawi a. Kum reilote chhungin technology-ah khawvel a thang nasa a, a bik takin Artificial Intellligence (AI) bikah hmasawnna a thang chak em em a; chuvangin, AI pawimawhzia hriain Mizoram Sawrkar hotulu ber Chief Minister, Lalduhoma hmalaknain training hi a bial Serchhip-ah buatsaih a ni tih a sawi a. AI hi kan ni tin hnathawhnaa min tanpuitu, ram leh mipui rawngbawl hna sawt zawka kan thawh theihna tur a ni tih hriaa, thahnem-ngai turin kalkhawm te a fuih a ni.


He hunah hian Lushai Technologies and Consulting Private Limited (LushAITech) atanga lo kal CEO Lawmna Kima leh LushAITech Vice President & Christ University, Bangalore-a Assistant Professor Robert Lalramhluna ten kalkhawm te an zirtir a. Sawrkar hnaa AI hman tangkai theih dan tur te, Zirtirtu leh zirlai ten an zirna pui tura AI an hman tangkai theih dan te, data hrang hrang chak taka lakkhawm dan te, Mizo tawng hmanga AI Chatbot an siam LushAI-Chat hman tangkai dan turte leh AI kaihhnawih thil pawimawh hrang hrang an zirtir a. Zawhna leh chhanna hun hman a ni bawk.

LushAI-Chat hi web-based niin, Mizo tawnga sermon buatsaihna te; Mizoram inthlan chungchang, budget leh document hrang hrang zirchianna te; hriselna, zirna leh hna kaihhnawiha thurawn lakna te a awm a. Mobile Application pawh siam thuai tum niin, la tihchangtlun chhoh zel tur a ni a. LushAITech hi Mizote'n AI lama hma an sawn theih nan kum 2024 khan Bangalore-ah din niin, Aizawl-ah Office an nei bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »