S. Field Veng Branch an chak

Central YMA buatsaih ‘LBS Inter-Suzuki 22nd Inter-Branch YMA Football Tournament 2025’ chu nimin khan khelh chhunzawm leh niin match 12 khelh leh a ni a, nimin khan Serchhip Sub-Hqrs. YMA huamchhung atanga tel zinga inkhel awmchhun Serchhip Field Veng Branch te chuan Ramhlun Vengthar Branch chu si sarih faiin an hneh a, Serchhip Field Veng Branch tan hian Mumbai City FC striker Daniel Lalhlimpuia chuan goal thum khungin Hattrick a siam a, Denis Lalhruaitluanga chuan goal hnih khungin Malsawm-zela leh C. Laldintluanga ten goal khat ve ve an khung bawk a ni.

Vawiin hian inkhelh chhunzawm a ni leh anga, inkhel tur zingah Keitum Branch leh Tuikual South inhmachhawn tur telin dar 12:15-ah RG Stadium, Mualpui-ah an inhmachhawn ang.