Mizoram-ah International Nurses Day hmang

Zonuna Kawlni /

Nimin May 12, 2025 kha ‘International Nurses Day’ niin khawvel hmundangte rualin Mizoram-ah awh he ni pual hian District hrang hrangah hun hman a ni.

International Nurses Day pual hian Civil Hospital, Aizawl Conference Hall-ah inkhawm neiin he hun hi Health Department Joint Director (Nursing) Lalchhanhimi chuan hmanpuiin Nurse te chu damdawi lama inenkawlna kawngah hmun laili leh pawimawh tak luahtu an ni tih sawiin, tun dinhmunah Mizoram-ah registered Nurse 5,500 chuang an awm thu a sawi a, Mizoram atangin India ram pawna Nurse hnathawk mi 111 an awm mek thu leh ramchhung hmundangah 760 chuang an awm mek bawk thu a sawi a. Hmundanga Nurse hna thawkte’n Mizoram tan sum leh pai an thawhchhuah chuan Mizoram tam investment nasa tak a siamsak niin a sawi bawk.

Mizoram pawn atanga Nurse hnathawk tura rawn lut an awm lo chu Mizo Nurse te intodelh zia lantirtu a nih thu pawh Joint Director chuan sawiin, Mizoram in tun aia Nurse tam zawk a neih theih nan leh Mizoram pawna thawnchhuah tlak Nurse tam tak an awm theih nan Directorate of Nursing chuan theihtawp a chhuah mek thu a sawi a. Nurse zir theihna tur Auxiliary Nurse and Midwife (ANM) School 4 leh General Nursing and Midwifery (GNM) School 4 bakah pahnih hawn thar leh tur an nei mek thu a sawi a, tun dinhmunah Serchhip leh Siaha-ah GNM School hawng turin hma an la mek tih a sawi bawk. 

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »