MZU Research Team in kawng dang zawn an rawt

Mizoram University Research Team chuan Mizoram hmar lam leh chhim lam inkalpawhna kawngpui dang zawn an rawt.

Prof. Brototi Biswas leh Jonmenjoy Barman-te kaihhruai Mizoram University Research Team-te hian tuna hmar atanga chhim lam kal pawhna kawngpui awmsa kilometre 483 leh metre 50 a thui hi GIS hmangin an zirchiang a, helai kawngpui hi leimin duhna a ni tih hmuchhuakin he kawngpui atanga khawchhak lam hretah hian kawngpui thar hreuh ni se tiin an rawt a. He an rawtna anga kawngpui siam a nih chuan a senso a tlem zawk dawn bakah leimin a tlem zawk hle dawn niin an sawi a. Kawngpui sial tura an rawtna hmun hi ramngaw (open forest) chhungah a ni dawn a, boruak tichhe lo leh lirthei chevel nghawr pawhin pawi a khawih nepna hmun a ni dawn a, chubakah a leilung pawh a nghetin kawng hrang hrangah a him zawk dawn niin an sawi a ni.

Jonmenjoy Burman-a’n a sawi danin Mizo-ram kawngpuite hi Furah chuan leimin a tam thei em em a. Leilung nghet lo lutuka kawng laih a nih avang hian ram leilung leh a behbawmin nasa taka tuarin nasa takin lei a min phah thin a. Nasa taka Mizoram leilung an zirchianna-ah lung chan lohna hmuna kawngpui sial hian leimin tam tak a siam niin a sawi a. Chuvangin tunlai khawvel thiamna hmanga leilung dinhmun zirchian phawt hnu a kawng laih hi a him ber niin an sawi a ni.