Mithiam ten a hmunah enfiah

Aizawl leh a chhehvel-a leimin avanga hmun him lo thei te enfiah turin Er. Manthan Chauhan, Sr. Manager, Maccaferri Geo-technical Solutions Pvt. Ltd. leh Dr. C. Sawmliana, Chief Scientist, Council of Scientific & Industrial Research - Central Institute of Mining & Fuel Research (CSIR-CMIR) te chuan nimin khan Aizawl an rawn thleng a, nimin khan Lengpui panna kawng Pukpui-a lungtlak hlauhawmna hmun chu enho nghal a ni a, Vawiin hian Ngaizel leh Hlimen-a lung tlak hlauhawmna hmun te chu an en leh dawn a, heng hmun te hi enfiahin mipui tana hmun him zawka siamna tur kawng ruahmanna an siam dawn a, tlai lamah DM&R Minister Prof. Lalnilawma an kawm bawk ang. Maccaferri company hi Italian Company niin kum 1879-ah din a ni a, tunlai a leimin dawl nan a kan hman nasat em em ‘Gabion wall’ pawh hi kum 1893 khan Maccaferri Company te hmuhchhuah a ni. Khawvel ram hmun 140 chuanga lung tlak hlauhawmna hmunah te thawmthat hna an lo thawk tawh thin bawk.