Sawrkar kut-ah ram pe leh

Aizawl khawpui lun lai-a Assam Rifles ten ram an luah huamchhunga ram (LSC) nei zinga mi Lalmanliana chuan tunhnai khan sawrkar-ah a ram a pe (surrender) a, thudawn danin Lalman-liana ram hmun thuma thena hmun hnih chu Assam Rifles hmun chhungah awmin hmun khat dang chu Assam Rifles hmun pawnah a awm thung a, Sipai hmun pawn lama awm chin chu Revenue Department in LSC siam sakin a neitu hnenah hian an hlan tawh a ni. Aizawl-a Assam Rifles hmun ah hian ram nei mi 54 an awm nia hriat a ni a, sawrkar in an vai hian insawifiah tura a hriattir hnuah mi 51 ten chhangin mi pathum te chuan an chhan loh avangin ram nei lo angah ngaih an ni a, mi 14 te chuan sawrkar hnenah an ram hi surrender tawhin midang 11 te chuan sawrkar chu Court-ah an khing thung a ni. Sawrkar chuan helai hmuna ram nei te chu an pass te sawrkar a hlan let turin a ngen leh tawh bawk a ni.