International Nurses Week pualin buatsaih

May 6 atanga 12 chhunga ‘International Nurses Week’ hman thin pualin nimin khan Aizawl-a RIPANS chuan Millenium Centre chhuat zawl-ah mipuite tan a thlawna inentirna hun an buatsaih.

    College of Nursing, Regional Institute of Paramedical & Nursing Sciences, Zemabawk buatsaih he hunah hian mipuite tan hriselna kawnga inzirtirna leh a thlawna inentirna hun hi buatsaihin, a mamawh tan Multivitamins leh pum damdawi a thlawna pek an ni a, heng damdawi te hi Hauz Pharma Pvt. Ltd. ten an rawn thawh a ni. Kum tinin International Nurses day hi May ni 12-ah hman thin a ni a. Modern Nursing hmu chhuaktu Florence Nightingale piancham pualin kum 1974 atang khan hman tan niin chawlhkar khat chhunga International Nurses Week chhung hian khawvel pumah Nurse ten thil tha tih nan hun an hmang thin a. Mizoram-ah chuan damdawi In leh Nursing zirna in hrang hrang ten Nurses day thupui zirna bakah hriselna kawnga zirtirna pek te leh mipui hriselna endik nan hun an hmang thin a ni.