Employees' State Insurance Corporation Scheme chu Mizoram-ah tangkai taka kalpui mek a ni

Zonuna Kawlni /

Ministry of Labour & Employment in Employees' State Insurance Corporation (ESIC) Scheme a kalpui mekah pawisa tlem te chawiin Health Insurance Scheme tha tak kalpui mek a ni a. ESIC hi Mizoram-ah chuan Aizawl-ah kalpui mek niin inziaklut pawh an pung chho mek a ni.

Employees' State Insurance Corporation (ESIC) hi Ministry of Labour & Employment, Govt. of India hnuaia Statutory Body niin, hnathawktu ESI Act 1948-in a huamte chu damlohna/bawrhsawmna (sickness) lakah te, nau neih (maternity) avangin emaw, hliam avanga hnathawk theilo (disablement) leh a hnathawhna avanga nunna chan a nih chuan amah rinchhana khawsa (dependents) ten a inzata insem turin Monthly Pension an hmuh theihna a nih bakah Hnathawktute leh a chhungte chu Medical Treatment a thlawna pek vek an ni bawk a. ESI Scheme chuan eng sumdawnna (Establishment/Factory), heng - Road Transport, Hotels & Restaurants, Cinemas, Newspaper, Shop, Educational/Medical Institution te leh an hnathawktu 10 (sawm) emaw a aia tam chhawr reng rengte chu huamin Hnathawktu thlakhata Rs. 21,000/- leh a aia tlem hlawhte tan he hamthatna hi neih theih a ni

.Mizoram-ah chuan he ruahmanna hnuaiah hian mi 6,000 chuang inziaklut awm tawhin Damdawi In panga -Synod Hospital; State Referral Hospital; Adventist Hospital; Nazareth Hospital leh Greenwood Hospital bakah Diagnostic Centre pathum - Trinity Diagnostic Centre Zarkawt; Genesis Laboratory Dawrpui leh Cross Imaging Dawrpui te nen inthlunzawm in ESIC hnuaia inziaklutte'n heng dawmdawi In leh Diagnostic Centre-ah te hian a thlawnin inenkawlna (OPD/Admit/Test chi hrang hrang) an dawng thei a. ESI Dispensary hian heng damdawi In-ah te hian a tul dan a zirin damlote an thawn thin a, senso zawng zawng tumsak vek a ni.

ESI Act hnuaia hamthatna dawng tur hian inziahluh hnuah hnathawktuin a hlawh atanga za zela 0.75 leh a chhawrtu-in za zela 3.25 thlatin an chhun luh a ngai a, Hnathawktu, ni khata Rs. 137/- hlawh tling lo te chu hnathawktu hlawh atanga pek tur 0.75% hi chhun a ngai lo a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »