US Roofs Ltd. nena inremna sawrkar in a titawp

Zonuna Kawlni /

Mizoram Sawrkar chuan Mumbai Mizoram House sa tura January 30, 2009 US Roofs Ltd. nena agreement an ziah chu a titawp a, Mizoram House sa tur hi midang zawn a ni dawn a ni.

US Roofs Ltd. nena inremna tihtawp a nih tur thu hi Chief Minister Lalduhoma chuan July 14, 2024-a Mumbai a tlawh tumin a lo sawi tawh a. Mizoram Sawrkar chuan US Roofs Ltd. hian hna an thawk muang lutuka an hriat avang leh ram petu City and Industrial Development Corporation of Maharashtra (CIDCO)-in a pek chhan ang loa hman tumna a awma hriat a nih avangin US Roofs. Ltd. nena inremna hi April 30, 2025 khan tihtawp a ni.

Chief Minister hian US Roofs in Mizoram sawrkar nena inremna bawhchhiain muang takin hma an lak avangin Assembly Committee pawhin an tlawh tawh tih sawiin, “Sawrkarah rawtna te pawh kan thlen. Tin, Mumbai a cheng Mizote leh damlo zu kalte pawh an mangang thin hle a, kum telin Mumbai pantu kan pung zel si,” tiin sawrkarna an chan hnuah ngaihtuahna thar sengin Law & Judicial Separtment-ten zirchiannate an neih hnuah US Roofs nena inremna tihtawp an rel tih a lo sawi tawh a ni.

September 2, 2008 khan CIDCO chuan plot no. 9, Sector 30A Vashi (Navi Mumbai) chu Mizoram sawrkar a pe a, a Lease Period chu kum 90 niin a ram zau zawng chu sq. metres 1983.48 a ni a. US Roofs Ltd. nen January 30, 2009-ah inremna ziakin Inremna ang chuan Mizoram Sawrkarin he plot hi State Guest House & Emporium atan a hmang anga, thildang ah hman phal ni lovin kum 5 chhunga zawhfel tura tih a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »