ECI Principal Secretary in Mizoram tlawh mek

Election Commission of India-a Principal Secretary N.T. Bhutia chuan ni hnih cham turin nimin khan Mizoram a rawn thleng.

ECI-a Principal Secretary hian nimin khan Directorate of Election-ah Election Department hotute meeting neihpuiin, Election Department tihhmasawn leh tihchangtlung a nih theih nana mamawh hrang hrangte sawiho a ni a, inthlan kaihhnawiha a ruahmanna hrang hrangte Election Commission of India duh dan anga fel fai taka kalpui a nih theih dan tur te sawi ho a ni bawk. He Meeting-ah hian Mizoram CEO mawhphurhna la mektu Ethel Rothangpuii, Joint Chief Electoral Officer bakah Election Department-a Officer te an tel a ni.

Meeting neih zawhah hian N.T. Bhutia hian 17-Aizawl West-III leh 18-Aizawl South-I Assembly Constituency huamchhunga Polling Station thenkhat a tlawh nghal a, hemi hnu hian Thenzawl a pan leh a, Thenzawl-ah hian riakin Vawiin hian 26-Serchhip Assembly Constituency huamchhunga Polling Station thenkhat a tlawh anga, naktuk-ah Mizoram chhuahsan in New Delhi a pan ang.