Nikum chhungin ILP pangngai 7,927 pek a ni

Nikum chhung khan Mizoram-ah Inner Line Permit (ILP) pangngai 7,927 pekchhuah a ni a, ILP pekchhuah zinga mi 5,675-te chuan an an ILP hi tinungin pawhsei sak leh an ni.

    General Administration Department (GAD) hotute sawi danin nikum chhung khan Temporary ILP chu mi 1,29,953 hnenah pekchhuah a ni a, pawhsei sak an awm lova. Temporary Stay ILP pawh mi 238 hnena pek a ni bawk a. Kum 2 chhung nung chi ILP chu mi 18 hnena pek a ni bawk. GAD hotute chuan Mizoram-a ILP kalphung chu a tul anga ennawn a, changtlung zawka siam mek zel a ni tih an sawi a, District Bawrhsap te'n Manual-a an pek thin Regular ILP leh kum 2 atana ILP pekte chu nikum November thla atang khan online-a pek a ni tawh a. Hemi hma hian kum 2023 atang khan Temporary ILP leh reilote hun chhunga Mizorama cham theihna (temporary stay permit)-te chu online-a pek tan a lo ni tawh bawk a. Heng online-a ILP pekchhuah te hi awlsam taka a tak leh a lem enfiah a nih theih na'n Information & Communication Technology Department-in mobile application an siam a. Rel chawlhhmun awmna Bairabi khuaa ILP pekna atan ruahmanna thar erawh a awm loh thu an sawi a ni.