MZP ten zirna thil pawimawh ah Minister an kawm

Mizo Zirlai Pawl (MZP) General Hqrs. hruaitute chuan Ningani khan Mizoram chhung zirna kaihhnawih thil hrang hrang leh zirtirtu siksawi mek chungchang sawipuiin Education Minister Dr. Vanlalthlana an kawm.

He hunah hian MZP General Hqrs. hruaitute chuan, tuna zirlai mil-a Zirtirtu siksawi mek an ni chu tha an ti hle tih sawiin, zirlai tlem deuh na hmuna zirtirtu indaih vanga lakchhuah leh indaihlohna a dah belh chu tha an tih thu an sawi a, Zirtirtu sawnchhuah leh siksawi mek te pawh a hmun nuam leh tha, Aizawl District-a awm reng beisei lo turin MZP chuan a ngen a ni.

Hei bakah hian MZP Hqrs. Kolasib, Hnahthial, Champhai leh Mamit ten  an buaina hrang hrang an thlen te pawh bawhzuiin Minister hi sawipui a ni a, zirtirtu indaihlohna zirna In College, Higher, High School, Middle leh Primary School-a zirtirtu indaihlohna leh hnawhkhah la ngaihna pawh file a kal mek thu leh zirlai mil-a indaihna ah chuan dah belh kher an tum loh thu Minister hian MZP hruaitute alo hrilh bawk.

Education Minister chuan, tuna zirlaibu sem mek pawh theihtawp an chhuah thu sawiin, Mizoram sawrkar in nuai 100 chuang an chawi tawh thu a sawi a, MZP hruaitute chuan  zirlaite'n a hun taka lehkhabu an dawn theih nan chak taka hma la zel turin an ngen a, kum danga exam zawh hnu a lehkhabu dawn chauh ang kha kumin chuan thleng tawh lo tura hma la turin an ngen bawk.