Leilet enkawltu hnamdang in a nupui a that

Kolasib District chhung Buhchangphai bul Zukbual leilet zau-a leilet pakhat enkawltu Khalil Uddin Barbhuiya (40) chuan Zirtawpni khan a nupui Hassan Begum Barbhuiya (35) chu chempui in a hrawk ah a zai a, Hassan Begum Barbhuiya hi a hmun ah a thi nghal a. Tualthattu a puh Khalil Uddin Barbhuiya hi tlanbo in, man tuma zawn mek a ni.

    Thudawnna in a tarlan danin, Hassan Begum Barbhuiya hi a pasal remtihna in thla kalta March ni 25 khan an khua Katlicherra, Hailakandi District, Assam ah a chhungte tlawh tur angin a zin a, a ngaihzawng ni a hriat nen an tlan dun a, hemi chanchin a hriat hian a pasal leh a pasala thiante chuan an zawng nghal a, an zawn hmuh hnuin an chenna In-ah an hruai haw nghal a, hetiang thil hi a thleng zui ta a ni. Hassan Begum Barbhuiya ruang hi Inrinni khan Kolasib District Hospital-ah postmortem anih hnuin a chhungte hnenah hlan a ni a, hemi chungchangah hian Vairengte Police Station-ah thubuai ziahluh a ni bawk.