Tun sawrkarah zirtirtu 1,507 lak thar a ni tawh

Mizoram-a sawrkar dinglai hnuaiah Zirtirtu 1,507 lak thar a ni tawh a, an zinga mi 526 chuan an hna an zawm lo niin School Education Department hotute'n an sawi.

School Education Department hotute sawi danin sawrkar dinglai hnuaia Zirtirtu lak thar mi 1507 zinga 1,188 te hi Sawrkar School-a thawk tura lak niin Samagra School-a thawk turin mi 319 lak thar a ni bawk a, Zirtirtu lakte hi Primary School-a thawk tur 461, Middle School-a thawk tur 348, High School-a thawk tur 457 leh Higher Secondary School-a thawk tur Lecturer 241 te an ni a. Mizoram chhunga High School awm zawng zawngah Zirtirtu 4,134 leh naupang 37,815 an awm a ni.

Zirtirtu lak thar zinga mi 526 te erawh chuan an hna an awm lo thung a, hna zawm ta lo te aiawhtu tur hi Middle School leh High School-ah Panel List atanga hnawhkhah zel a ni a. Primary School hian Panel an neih loh avangin Zirtirtu 234 lak that tum mek a ni a. Hetihlai hian kum 2024 chhung khan Zirtirtu pension 20 leh thi 158 an awm thung a ni.