Khawpui cheimawina tura hmalakna kal mek thlirho

Serchhip District Beautification Committee chu nimin khan thukhawmin Serchhip khawpui cheimawina kawnga hmalak dan tur hrang hrang an sawiho.
    UD&PA Department in District Beautification Competition a buatsaiha Serchhip District in lawmman pathumna a lak kal zela Serchhip khawpui cheimawi dan tur ngaihtuaha thutkhawm Serchhip DC Meeting Hall-a neih hi Bawrhsap Paul L. Khuma chuan kaihruaiin Serchhip khawpui cheimawina tur project siam niin he Project-in a tum langsar zingah Park siam, thing phun, Bazar lun lai cheimawi, Fountain dah leh Signage siam, ATM Water Vending Machine (Public Water Point) dah te, By-pass area-a Truck Bay siam te a tel a. Nimin thutkhawm-ah hian he project a taka kalpui dan tur ruahmanna thlirho a ni a. Beautification Committee hnuaia Sub-Committee peng hrang hrang ten ruahmanna an siam dan kimchang powerpoint hmangin an tarlang a, sawihoin a fel lo lai te enho a ni a, rawtna hrang hrang te ngaihthlak a ni bawk.