Zirlaite ngaihdan inang lo

Govt. Zirtiri Residential Science College, Aizawl-a Zirlaite chu an Zirtirtu Lalthanpuii Hnamte sawn tur duh lovin nimin khan an College luhka-ah an pungkhawm.
    College zirlai hruaitute chuan an Zirtirtu ni mek Lalthanpuii Hnamte, Botany Department-a Asst. Professor chu Serchhip College a thawk mek Dr. Lalhmangaihzuali nen sawrkarin thlak thleng an tum thu sawiin, Lalthanpuii Hnamte chu an College tana tangkai tak niin, zirtir hna mai bakah College thil pawimawh hrang hranga tangkai leh nihna pawh chelh hnem tak, Club hrang hrang hruaitu ni mek a nih thu an sawi a. An College tana zirtir hna mai bakah hna tangkai tak tak thawk mek tu a nih avangin sawnchhuah an duh loh thu an sawi a ni. Hetihlai hian Govt. Ser-chhip College SU te chuan An College-a thawk Dr. Lalhmangaihzuali Ralte chu sawn a nih anga Release Order a lak tawh avangin a aiawh tura sawrkar a pek Lalthanpuii Hnamte chuan a hna a zawm thuai an phut thu an sawi thung a ni.