VC Intlang turin inbuatsaih; Inthlan puan hun la chiang lo

Mizoram-a Village Council leh Local Council Inthlanpui neih tur atana inbuatsaihna kalpui zel niin Vawiin lamah inthlan hi puan a nih rin niin thu chiang erawh ala awm lo thung.
State Election Commissioner Dr. H. Lalthlangliana chuan Vawiin chawhnu dar 2:00 hian Press Conference an koh thu sawiin, inthlanna neih hun tur puan chungchang erawh an la sawi lo tih nimin tlai khan LENKAWL a hrilh a, nimin lam khan District hrang hrang Bawrhsap, District Election Officer te nen Meeting neiin Inthlanpui nei tura inpuahchahna an kalpui dan an thlirho thu leh heng an inpuahchahna a zir hian inthlanpui neih hun tur hi tifelin puan ala nih tur thu LENKAWL a hrilh bawk a ni.

Hetihlai hian Mizoram State Election Commission chuan he inthlanpui neih tura District hrang hranga Election Observer tur mi 16 te chu a ruat tawh a, Serchhip District-a Election Observer tur hian Social Audit Unit-a Director nilai C. Lal-tleipuii chu ruat a ni.

Serchhip District-ah pawh Village Council Inthlanpui nei tur hian inbuatsaihna kalpui mek niin Vawiin chawhnu dae 1:30 hian he Inthlanpui neih tura Returning Officer tura ruat te tan Training neih a ni dawn a ni.