Nikum chhungin a thlawna thisen pek a tam
Serchhip Blooc Bank atanga thudawn danin kum kalta 2024 chhung khan Serchhip District Hospital-a Blood Bank hian thisen Unit 703 lain heng zinga Unit 696 chu a thlawna pek, Voluntary Donation a ni a, hei hi thisen an dawn zawng zawng atanga chhutin za zela 99 zet a tling phak a, hemi hun chhung hian Replacement donation Unit 7 a awm bawk a ni. District Hospital Ser-chhip Blood Bank hian nikum chhung khan Blood Donation Camp tum 37 huaihawtin a mamawhtu te hnenah thisen Unit 578 pekchhuah a ni bawk.
Hetihlai hian nimin khan St. Peters’ HSS Chhingchhip-a NSS Unit te chuan District Hospital Serchhip Blood Bank-a dah turin thisen Unit 11 an pe bawk a, thisen petute hi mipa 7 leh hmeichhia 4 niin heng mi tlawmngai te hi Serchhip Blood Bank-ah rawn kalin thisen hi an pe a ni.