Mizoram University in College result tichhuak

Mizoram University chuan nimin khan Mizoram chhunga College zirlaite result an tichhuak.

Nimin-a Mizoram University in result a tihchhuah hi Choice Based Credit System (CBCS) Scheme hnuaia 5th Semester regular leh Repeater Odd, 2024, nikum November leh December inkar chhunga exam result a ni a. Result chhuak te hi kum 2020 leh 2021-a 1st, 3rd leh 5th Semester Batch te an ni a. Bachelor of Arts (BA) exam pass thar hi mi 5476 niin zaa 78.80 an pass a, Bachelor of Science (B.Sc.) ah mi 615 pass in zaa 72.52 an pass a. Bachelor of Commerce-ah mi 314 pass in zaa 93.73 an pass a, Bachelor of Science (Home Science) bikah mi 12 pass in zaa 70.59 an pass a ni. Heti hian a avaiin exam tura inziaklut mi 8,474 niin mi 8,149 in exam an hmachhawn a, mi 6417 an pass a, zaa 78.75 an pass a ni.

Mizoram University hotute chuan kum 2023 atangin Mizoram University in NEP 2020 a hman tak avangin hemi kum atang hian CBCS-ah 1st Semester atangin regular an awm thei dawn lo tih an sawi a. NEP 2020 hnuaia 1st leh 3rd Semester (regular leh repeater) result chu tihchhuah leh thuai an tum tih an sawi bawk a ni.

Comments