Keitum nula in rit chawi ah Medal pahnih a la leh
Khelo India Zone hrang hranga a tithate inelna bik, Asmita Khelo India Women National Weight-lifting League Youth, Junior leh Senior hi kar kalta Nilaini khan Brahmapur, Odisha-ah neih niin Thawhlehni khan zawhfel a ni a, a tawp ni ah Keitum ritchawi chak Zosangzuali hian Medal pahnih hi a la a. Senior-ah hian Sharon James, Jammu & Kashmir chu tluk lo mah se Junior-ah chuan tluktu tumah a nei lova; Snatch-ah 55kg leh Clean & Jerk-ah 70kg, a vaiin 125kg a chawi kang a ni. Zosangzuali hi July thlaa Bhubanes-war-a Asmita Khelo India East Zone inelnaah khan Youth-ah Silver, Junior-ah Gold leh Senior-ah Silver Medal a lo la tawh a. Tun tum hi Zone hrang hranga lawmman late inelna bik a ni.
Brahmapur-a inelnaah hian Cindy Lalpar-mawii chuan Thawhtani khan kg 76 Youth-ah Bronze Medal a la tawh bawk a. Kolasib Saidan nula Cindy-i hian Snatch-ah kg 54 leh Clean & Jerk-ah kg 60, a vaiin kg 114 a chawi a ni.
Cindy-i leh Zosangzuali te hi Khelo India State Centre of Excellence (KISCE), Rajiv Gandhi Stadium, Salem Veng, Mualpui-a Hostel-a awm niin Coach Malsawma Khiangte, Sports & Youth Service zirlai an ni a. Tun tum inelnaah pawh hian Coach leh Malsawmtluangi, Masseuse, KISCE, Republic Vengthlang ten an hruai a ni.