Governor thar turin Mizoram a rawn thleng

Zonuna Kawlni /

Mizoram Governor tura ruat Gen. (Dr.) Vijay Kumar Singh chuan nimin khan Aizawl rawn thlengin Vawiin hian Mizoram Governor tura lakluh a ni ang.

Governor thar tur hi Lengpui Airport-ah rawn tumin Chief Minister Lalduhoma, Speaker Lalbiakzama, Home Minister K. Sapdanga bakah sawrkar hotu dangten an lo dawngsawng a. Mizoram Police in zahna chibai an lo buk bawk a. Hemi hnu hian Raj Bhavan panin Health Minister Lalrinpuii, Rural Development Minister Prof. Lalnilawma, Sports & Youth Services Minister Lalnghinglova Hmar leh Raj Bhavan hotute leh thawktuten an lo dawngsawng a. ruahman dan chuan Vawiin January ni 16 chawhma dar 11:00 hian Raj Bhavan Circular Lawn-ah Mizoram Governor 25-na ni tura lakluh a ni ang.

Mizoram Governor hna zawm tura Mizoram a rawn pan hma hian Gen. (Dr.) Vijay Kumar Singh Guwahati-a Kamakhya Temple tlawhin Maa Kamakhya hnenah tawngtaina hlanin inpekna, rinawmna leh inngaihtlawmna nena Mizoram mipuite rawng a bawl sak theih nan malsawmna a dil a. Hemi hnu hian Mizoram a rawn pan zui a ni.

General VK. Singh hi Indian Army Chief of Army Staff hlui niin kum 2010 atanga 2012 chhung khan he hna hi a chelh a, Four Star General niin a hna atanga a chawlh hnuin BJP Party a zawmin Member of Parliament a ni tawh a. Minister of State hna te pawh a lo chelh tawh a ni.

Comments

Post a Comment

Popular News (Last 30 Days)

Ramkalna ah thi in hmu

Zonuna Kawlni /
Image
Serchhip bul Hriangtlang khuaa cheng B. Lalneihkima chu nimin khan an ramkalna ah thi in hmuh a ni a, ama chesual a boral nia rin a ni. Thudawn danin Lalneihkima (33) hi niminpiah khan a thian pathum te nen an khua leh Thinglian inkara Tuisang lui-ah Chengkawl khawrh turin an kal a, an kal darh hnuah an haw dawna inhmuhkhawmna tura an ruahman ah a rawn lan ve tak loh avangin zing dar 2:00 velah a thiante hian an hawsan a, nimin lama ngahven tura an kal chuan Tuisang lui-a kawrh-ah thi in an va hmu ta nia thudawn a ni a, a lu-ah hliam a tuar nia hriat a ni bawk. A ruang hi an khua ah lak niin nizan khan lumen a nih hnuah Vawiin hian vuiliam tur a ni ang.
Kimchang zawkin »

Sawhthing leisa lilam tan

Zonuna Kawlni /
Image
Mizoram sawrkar in tunhnaia Serchhip District-a Sawhthing a lei te chu nimin khan a lei duhte tan lilam (auction) tan a ni ta a, nimin lam khan Sawhthing lilam hi chhang awm nghalin Vawiin hian chhan theih ala ni dawn a, chawhnu lamah a hmasa ber atan he an lilamna hi hawn a ni dawn nia thudawn a ni. Thudawn danin February 20 atanga Serchhip District-ah Sawhthing lei ah hian Serchhip SCC-ah kg. 110,419 buk a ni tawh a, East Lungdar SCC-ah kg. 75000 bukin Lungpho SCC-ah kg. 64086, North Vanlaiphai SCC-ah kg. 81,460, Chhingchhip SCC-ah kg. 89,047, Khawlailung SCC-ah kg. 112,052 leh Thenzawl SCC-ah kg. 112,895 buk a ni tawh a ni.
Kimchang zawkin »