Aizawl South-III Bialtu MLA leh Larsap an inkawm

Zonuna Kawlni /

Aizawl South-III Bialtu MLA Baryl Vanneihsangi chuan nimin khan Governor Dr. Hari Babu Kambhampati chu hmuin Centrally Sponsored Scheme, Social Security Scheme leh pawimawh dangte mipuite'n an chhawr tangkai thei dan tur an sawidun.

Raj Bhavan-a an inkawmna ah hian Governor Dr. Hari Babu Kambhampati chuan mipuite'n an tana hamthatna awmte an hriat chian lehzuala an chhawr tangkai ngei theih nana tanlak a tul thu a sawi a. Amah ngei pawh MLA leh MP a lo nih tawh thin thu leh mipuite rawngbawl sak chu dah pawimawh bera neih a tul thu a sawi a. Aizawl South-III bialtu MLA Baryl Vanneihsangi chuan Sawrkar laipui kaltlanga mipuite tana hamthatna duante hriatchian zel a duh thu leh mipuite'n an hlawkpui theih nana tanlak a tum thu a sawi bawk a ni.

He hunah hian Social Security Scheme pawimawh tak tak zinga mipuite awlsam taka an inziahluha an chhawr tangkai theih tur, kumtin Rs. 436 thawha engvang pawha thihna a thlena Life Insurance cheng nuai hnih thleng dawn theihna Pradhan Mantri Jeevan Jyoti Bima Yojana (PMJJBY) leh Rs. 20 thawha accident laka Life Insurance cheng nuai hnih thleng dawn theihna Pradhan Mantri Suraksha Bima Yojana (PMSBY) chungchangte, Mudra Scheme, Solar Rooftop Scheme leh Centrally Sponsored Scheme pawimawh dangte leh hemi kawnga hmalak theih dante an sawidun a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »