SHC sawrkar thar Vawiin ah lakluh a ni dawn

Sinlung Hills Council Inthlanpui vawi 2-na neih zawh taka thlantlin mi 12 te chu Vawiin hian rinawmna thu tiamtira lakluh an ni dawn.

Sinlung Hills Council inthlanpui-a thlantlin te hi Aizawl Bawrhsap Pisa Pui Hall-ah Vawiin chawhma dar 11:00 hian rinawmna thu tiam tira lakluh an ni anga, hemi zawh hian Sinlung Hills Council Chairman tur thlan a ni anga. Chumi zawhah chuan MNF leh a thawhpui HPC (R) atanga thlantlin mi 7-te chuan sawrkarna an siam theih thu Chairman hnenah hriattirin an nihna tura lo ruahman lawk angin an inrawt zel anga. Chief Executive Member (CEM) leh Executive Member (EM) te pawh thutiam tira lakluh nghal an ni ang.

Sinlung Hills Council-ah hian Vanbawng Bial atanga thlantlin Ricky Lalremsanga chu CEM atan lakluh a ni dawn nia thudawn niin EM turte hi a ruat leh tur an ni bawk.