Naktuk-ah CIC rawn zin dawn

Central Chief Information Commissioner (CIC) Heeralal Samariya chuan ni 3 cham turin nimin khan Mizoram a lo thleng a, naktuk khian Serchhip District a rawn tlawh ang.
Central CIC Heeralal Samariya hian nimin tlai khan Aizawl thlengin Mizoram Information Commissioner Mangjangam Touthang leh Information Commission Secretary Dolianbuaia ten an lo dawngsawng a. Mizoram-a a cham chhungin Aizawl bakah Serchhip District-ah te hun a hmang dawn a,naktuk-ah Serchhip rawn tlawhin District Bawrhsap leh sawrkar hotu thenkhatte bakah VC hruaitute a kawm anga, hemi hnu hian Thenzawl tlawhin Tuirihiau leh Vantawng khawthla te tlawhin Aizawl a pan leh nghal ang.