Kuhva tam hri avangin harsatna tawk

Zonuna Kawlni (LENKAWL) • November 18, 2024 • Comments • Mizoram

Hachhek Bial Kuhva Chingtu Pawl (HBKCP) chuan Kuhva tam hri avanga harsatna an tawh thu an sawi.

Mizoram Kuhva Chingtu Pawl (MKCP) chuan Kuhva (Assam variety) lawh hun leh hralh hun anih tan avangin Mamit District-a Kuhva chingtute tlawhin Zirtawpni khan Hachhek Bial Kuhva Chingtu Pawl hruaitute nen North Kawrthah VC Hall-ah an inkawm a, he hunah hian HBKCP Secretary Lalvenhima chuan kum 2023-ah kuhva MT 7520.95 tharin Rs. 376,047,650 an hmuh thu a sawi a. Tunlaiin Kuhva tam hri vanga an Kuhva a thih nasat thu leh harsatna an tawh nasat thu sawiin, an Kuhva tam te Department in buaipui se an duh thu a sawi a, tunlai hian Kuhva an hralhna rate a that loh avangin market tha zawk a awm theih nan sawrkarin chak takin hma la se a duh thu ta sawi bawk a ni. Mizoram Kuhva Chingtu Pawl (MKCP) President C. Laldina chuan an pawl indin chhoh dan te sawiin, Kuhva chin leh hralhna kawngah zau zawk a hmalak an tum thu leh South India lama All India Arecanut Growers Association leh State danga Kuhva Processing Unit hrang hrangte pawh biakpawh-a hmalak zel an tum thu te a sawi bawk a ni.