Kawngpui siamthat theih tak avangin lawmaw ti

PWD Minister Vanlalhlana chuan nimin khan Aizawl-a ZPM party Office-a Chhung Inkhawm-ah khaw awmdanin a zir chhoh tak avanga kawngpui siam that hna an thawk thei ta chu lawmawm a tih thu a sawi a. Mizoram-ah kawngpui KM 7723.18 a awm mek thu sawiin, chung zingah chuan KM 605 chu National Highway niin State Highway KM 371 kan neih thu leh Mizoram-a Black top kawng kan neih zawng zawng chu KM 6706 a nih thu leh Black top loh KM 1106 a ni tih a sawi. PWD Minister chuan tunah chuan khaw awmdan in a zir chhoh tak avangin chak zawkin kawng siam hna an thawk thei ta tih sawiin, “Tunhma chuan ‘kawng hmangin sum an siam’ tih tawngkamte kan hre thin a, kalphung thar mipui Sawrkar hnuaiah chuan Sawrkar sum dik taka hmangin kawng siam that hna kan thawk mek a ni, heti chung hian eptu party lam chuan phunnawina leh sawisel tur an la rawn zawng zel a, nimahsela mipuite hian ZPM Ministry ah rinna an la nghat nghet hle a, keini pawhin theih tawp kan chhuah zel dawn ni,” a ti bawk.