H&FW in mipuite inzirtirna Hapta an hmang

Mizoram Pharmacists' Association leh Health & Family Welfare Department, Govt. of Mizoram chuan nimin khan rampum-a Pharmacy Hapta leh Antibiotics hman fimkhur pawimawh zia inzirtirna Hapta an hmang.

He Hapta denchhen hian nimin zing khan Walkathon neiin Aizawl-a Millenium Centre atanga Vanapa Hall thleng ke-a kalin he hun hmanpuitu H&FW Department Principal Director Dr. Vanlalsawma chuan hriselna kawngah hian mipui tan Doctor, Nurse leh thawktu dang dang an tangkhawm a, Pharmacist te chu damdawi lama technical taka damdawi lama thiamna bik nei an nih avangin hetiang hun an hmang chu lawmawm a tih thu a sawi a. Antibiotics leh damdawi dang reng reng mipui hnena zirtirna pe zela an awmna hmun theuhah taima tak lhna thawk tur lehh damlo tana tangkai taka thawk zel turin a fuih a ni. National Pharmacy Week leh World Antibiotics Resistance Awareness Week pual hian mipuite inzirtirna chu kawng hrang hrangin buatsaih a ni bawk.