Tui leh tuihna humhalh mitin mawhphurh tih sawi

Irrigation and Water Resources Department changtu Minister PC. Vanlalruata chuan tuihna leh tui humhalh chu mitin mawhphurhna a nih thu a sawi.

Irrigation & Water Resources Department hnuaia Division leh Sub-Division hrang hranga hnathawh dan sawihona hun nimin-a IWRD Conference Hall-a neih a hmanpuina ah Minister PC. Vanlalruata chuan khawvel changkang chho zelah hmasawnna in tui mamawhna a ti sang zel a, tuihna leh tui humhalh chu mitin mawh-phurhna a nih thu a sawi a. Sawrkar in thingtlang ah leh khawsak harsa zawkte tana Scheme leh Project a chhawpchhuah sak te tangkai leh daihzai taka hman a nih theih nan ngawrh zawka hma la turin Officer te chu chahin, “Kan hnathawh hian mi harsa te inchhung thleng phak se, hma-sawnna chu mirethei ten a taka an hmuh zel hi kan mawhphurhna a ni tih hre nawn a, thawktuten theihtawp chhuah a, buh leh bal a kan intodelh nan irrigation leh tui kaihhnawih a nasa zawkin thawk ang u,” tiin a sawm a. Hna tha leh belhchian dawl thawk zui zel turin leh Officer te'n thlithlai zui kawngahttan la bawk turin a chah a ni.

Minister chuan Water Policy 2020 leh Water Resources Act 2024 te ngun taka zirchian leh mek a nih thu sawi bawkin, Mizoram in tha zawk leh chhenfakawm zawka tui leh tui hna tihpun kawnga tan lak a nih tur thu a sawi a. Department dangte nen pawh inrawn khawmna an neih chhoh mek thu a sawi bawk.

He hunah hian Scheme leh project hrang – National Hydrology, Rationalization of Minor Irrigation Statistics (RMIS) , Pradhan Mantri Kisan Urja Suraksha evam Utthaan Mahabhiyan (PM KUSUM), NABARD, PMKSY-Har Khet Ko Pani, Flood Management Programme leh Brahmaputra Board hnuaia project hnathawh dan te thlirho a ni.