National Voluntary Blood Donation Day pualin hun hmang
National Voluntary Blood Donation Day pual hian Association for Voluntary Blood Donation (AVBD) Serchhip Branch, District Hospital Ser-chhip Blood Bank leh NSS Govt. Higher Secondary School Serchhip te chuan Serchhip CMO Conference Hall-ah hun an hmang a, he hun hi AVBD Serchhip Branch Vice President Laldinpuia chuan kaihruaiin Serchhip District Medical Superintendent (DMS) Dr. ZD. Lalmuan-awma chuan he hun hi a hmanpui a, Serchhip Blood Bank dinhmun leh an hnathawh dan te sawiin, kumin chhungin Blood Donation Camp tum 31 an buatsaih ah thisen Unit 723 lain Blood Bank a mahni-a kala thisen pek Unit 70 a awm tawh thu a sawi bawk a, tlawmngaia thisen pe thin te leh AVBD bakah Blood Bank-a thawktute chungah lawmthu a sawi bawk.
He hunah hian zirlai kalkhawmte tan thupui hrang hrang zirhona neih niin a thlawna thisen pek pawimawhna leh tangkaina chungchang AVBD Serchhip Branch President Zonunsanga Kawlni chuan a sawi a, Serchhip Blood Bank Officer Dr. Lalnunhlima Khiangte chuan HIV/AIDS chung-chang zirtirin AVBD Serchhip Branch-a Secretary T. Biakchamliana chuan Zirlaite nunkawng dik zawh chungchang a zirtir bawk a ni.
.jpeg)
He hun hman zawh a nih hnu hian Govt. Higher Secondary School Serchhip-a NSS Unit te hian Serchhip Blood Bank-ah a thlawna thisen pekna hun an buatsaih nghal a, he hunah hian zirlai mi 11 ten thisen pein an vai hian mipa vek an ni.
.jpeg)
National Voluntary Blood Donation Day hi kum 1975 atang khan kumtin October 1-ah hman thin a ni a, midangte tana thisen pek pawimawh inzirtirna atana hman thin niin remchan zawkna avangin Serchhip-ah chuan Inrinni khan hman a ni.
Comments
Post a Comment