Khawtlang-a sualna punlun zelah tan la turin ngen

Central Young Mizo Association chuan Khawtlanga sualna pun lun chungchangah Sub-Headquarters, Group leh Branch YMA te chu tihtawp-a tan la turin a ngen.

Hemi chungchanga lehkha a tihchhuah ah Central YMA chuan, “Khawtlang nuna sualna lo pun lun zel leh hemi in a kaihhnawih, Naupang/Tleirawl zan len chhuah chungchangah Central YMA-in thuchhuah a lo nei tawh a. Naupang/Tleirawl ten tul leh pawimawh ni lova zan len an chin hi sual pun lunna bul a nih avangin, khawtlangah rah tha lo tak a chhuah thin a. Tul lova mi pawikhawihna leh insual rawnte kan ching ta zel hi a pawi takzet a. Hemi chungchangah hian Sub-Hqrs., Group leh Branch YMA-te mahni huamchhung theuhvah tan la tur leh khawtlanga sualna pung chho zel do kawnga theihtawp chhuaha tan la thar turin kan inngen a ni,” an ti.