Support Price pe dawn

Agriculture Minister PC. Vanlalruata chuan sawrkar in thla thar hralhna tur rate a bithliah aia tlawma hralh a nih dawn chuan Support Price pek a ni dawn tih nimin-a Assembly Inkhawma thlai thar lei leh hralh chungchang zawhna ah a sawi a. Mizoram sawrkar in thlai thar lei leh hralh chungchang ngaihtuah tura a din Agricultural Market Assurance Fund Management Board Chairman ni bawk PC. Vanlalruata chuan Mizoram-a sawrkar awm tawh ten thlai thar hralhna tur hi an la buaipui ngai loh avangin ZPM kaih-hruai sawrkar thar a pian veleh kuthnathawktu ten an thlai thar hlawk zawka an hralh theih nan an buaipui nghal a. Hemi kawnga hmalatu tur Committee dinin thlai thar hralhna tur rate pawh an bithliah fel tawh tih a sawi a. He an hmalakna ah hian a leitu tur pawh ruat fel nual an ni tawh tih sawiin, sawrkar in rate a bithliah aia tlawma hralh a nih dawn chuan sawrkar in Support Price pe in hma a la dawn tih a sawi a ni.