Phurrit chhawk zangkhaina tur sum thawhkhawm

Tlabung Village Council chuan an huamchhung a damlo natna khirh bik tuarte phurrit chhawk zangkhai nan nimin atang khan Tlabung-ah Bawm an dawh. Tlabung Village Council hian an huam-chhungah natna khirh bik tuar an awm nual tih sawiin, an zinga thenkhat chu kum khat chuang inenkawl tawh te an nih avangin an phurrit chhawk zangkhai nan hetiang ruahmanna hi an siam tih an sawi a. Nimin-a bawm dawh bul tanna atan hian Rs. 10,000/- an thlak hnuah Vengchhung-a mi chi hrang hrang hnenah an dawhkual zui a ni. Nimin a he bawm an dawh ah hian mi chi hrang hrang ten Rs. 22,030/- an thawhkhawm a, hei bakah hian Online hmanga thawh mi thahnem tak awmin heng te hi semchhuah leh tur a ni ang.