Mizoram-a MLA hlui boral sunna hun hmang

Zonuna Kawlni (LENKAWL) • August 21, 2024 • Comments • Mizoram

Mizoram Legislative Assembly thutkhawm nimin-a neih ah Mizoram-a MLA hlui, Gorkhali hnam zinga Mizoram Assembly Member atana ruat hmasak ber leh awmchhun Kapoo Chand Thakuri sunna hun hman a ni.

Nimin-a Mizoram Assembly thutkhawm tan ni-a sunna hun hman ah hian Chief Minister Lalduhoma chuan Mizoram sawrkar leh Mizoram Legislative Assembly-in Kapoor Chand Thakuri chu ram leh hnam tana a hnathawh a chhuangin an ui takzet, a ti a. Opposition Leader Lalchhandama Ralte pawhin Thakuri-a chu ram rorelna bultantu a nih angin a ui thu a sawi bawk.

Kapoor Chand Thakuri-a hi kum 1972-a Mizoram UT a nih ruala Assembly a neih khan Saptawni leh Lalhmingthanga te nen ruat seat-ah khatih laia Mizo Union sawrkar khan a dah a. Kumin July ni 15 khan Nepal khawpui Kathmandu-ah a thi a ni.