I&PR-a Technical Staff ten Training an nei

Information & Public Relations Department hnuaia Directorate leh District hrang hranga Technical Staff-te tan ni 4 awh tur 'Technical Skill Upgradation Training for AVPA' chu nimin khan Aizawl Khatla a ICT Training Hall-ah neih tan a ni a, he training hi I&PR Deputy Director Andrew H. Lalremruata chuan kaihruaiin Training hawngtu I&PR Joint Director Lalfakzuala chuan Sawrkar thuchhuah thehdarh kawng ah Electronic Media leh Social Media hman tangkai thiam a pawimawh thu sawiin, chumi tur chuan I&PR Department hnuaia Technical Staff-te chu intuaihriam a tul thu a sawi a. Electronic Media kaihhnawiha Technology leh khawl chhuakthar te hmelhriat leh hman tangkai chu I&PR Department tih hmasawn nana thil pawimawh tak a nih thu a sawi bawk.

He Training-ah hian I&PR Department hnuaia thawktu mi 24 telin Saithangpuia leh Lalrinzuala te chu Resource Person atan hman an ni a, DSLR, Gimbal leh Drone hman dan te, Studio recording tura inpuahchah dan leh Green Screen hman dan ah te inzirtirna pek a ni dawn a ni.