Serchhip-ah MTET Exam mi 137 ten an hmachhawn

Mizoram Teacher Eligibility Test (MTET) Exam chu nimin khan Mizoram-a Exam Centre hrang hranga neih niin Serchhip DIET-ah pawh he Exam hi neih a ni.

Kumin a MTET Exam atan hian Mizoram-a DIET hrang hrangte chu Exam Centre atan hman niin hemi  ang hian Serchhip DIET-a Exam Centre-ah pawh Exam hi neih a ni a, mi 137 ten Exam tura hming pelutin Exam hi an hmachhawn a, nimin khan Exam hi zawhfel nghal a ni.

MTET Exam hi Mizoram Board of School Education (MBSE) hnuaiah neih niin Zirtirtu Training chhuak tawh te leh Final Result nghak mekte tan chauh MTET Exam hi hmachhawn theih a ni a, Serchhip DIET-a thawktute chuan DIET hnuaia D.El.Ed Training chhuak tawh te pawhin MTET hi an paltlang lo a nih chuan Zirtirtu hna an thawk thei lo tih sawiin, Paper I leh II-a awm thu an sawi a, Paper-I hi Primary School-a Zirtirtu hna thawk tur leh Paper-II hi Middle School-a Zirtirtu hna thawk tur tan paltlang ngei a ngaih thu an sawi bawk a ni.