Mat Phai-a leilet neitute harsatna sawiho a ni
NH. 54 Kawngpui laih in a nghawng kal zelah Furpui a lo thlen tak bawk si avangin Spoil Bank atanga chirh leh lei tawlhin Serchhip Mat Phai-a leilet a tichhe nasa hle a. Serchhip DC Office kaihhruaiin July ni 16, 2024 khan Zawlpui Phai leilet te a hmunah kalchilhin enho a lo ni tawh a. Hemi tuma an thutlukna te bawhzui a nih dan chu nimin-a Bawrhsap hova thutkhawm a Pisa-a neih ah hian sawiho a ni.
He sawihona hunah hian Contractor leh NHIDCL hotute chuan an hmalak dan an tarlang a, an hmalakna ah duhkhawp lohna a la tam avang leh leilet neitute harsatna chinfel a la nih loh cheu avangin August ni 5, 2024 khian leilet hmunte chu DC Office kaihhruaina hnuaiah enho leh tura ruahmanna siam a ni.
Nimin-a thutkhawm ah hian DC Office atangin Addl. DC Lalrinzuala leh SDC Lalhruailiana Zote te an tel a. NHIDCL atangin EE Rahul Kumar a tel a; KRAM Infracon Pvt. Ltd. atangin AGM Manoj Kumar, Addl GM Sachin Masih leh PM Devendra Verma te an tel a. Lumtui Field Management Committee atangin C. Lalramzauva, PC. Zosangliana leh Laltlanthanga te an tel bawk a ni.
Comments
Post a Comment