District hrang hranga Nodal Officer ten Scheduled Tribe Certificate pekchhuah dan an sawiho

Mizoram District hrang hranga Scheduled Tribe Certificate (Tribal Certificate) pekchhuah dan rualkhai zawka kalpui a nih theih dan tur chu nimin khan Adiviser to Chief Minister (Political) Lalmuanpuia Punte hovin a Pisa-ah sawiho a ni.

He sawihona hunah hian Mizoram District hrang hranga Nodal Officer te telin Adviser to Chief Minister (Political) Lalmuanpuia Punte chuan thutkhawm hi a kaihruai a, Mizoram chhunga Scheduled Tribe-te Certificate pekchhuah danah nakin zela kan Hnam tana pawi thei leh inven ngaihna lai te ngaihtuahho a ni a, a pekchhuah danah pawh fimkhur lehzuala kalpui dan turte sawiho a ni.

He Meeting-ah hian Mizoram chhunga Scheduled Tribe awmten Certificate an lak hhuah dawnin form awmsa zulzuia dik tak leh fel taka Scheduled Tribe Certificate an neih theih dan tur sawiho a ni a, Scheduled Tribe Certificate-a hnamdang inthun leh nakin zela Mizo hnam tana pawi thei leh inven ngaihnate sawiho a ni. Hei bakah hian District hrang hranga Nodal Officer kalkhawmten anmahni District huamchhung theuha uluk leh fimkhur taka Scheduled Tribe Certificate pekchhuah dan an kalpui thu leh hmalam hun atana thil tul hrang hrang an sawi a, an lo kalpui tawh dante ennawn a ni bawk.