STAM Proficiency Award semna hun hman a ni

Science Teachers' Association, Mizoram (STAM) buatsaihin ‘STAM Proficiency Award’ hlanna hun chu niminpiah khan Aizawl-a Synod Conference Center-ah neih a ni.

Mizoram Board of School Education hnuaia High School Leaving Certificate (HSLC) Examination 2024 leh Higher Secondary School Leaving Certificate (HSSLC) Examination 2024-a Science leh Mathematics subject-a mark hmu sang ber (Topper )te chawimawina hun hi MZU Registrar Prof. Lalnundanga chuan khuallian nia hmanpuiin Award dawngte chu zirna sang zawkah hriatzui tlak ni zel tura theihtawp chhuah tura fuihin, Pathian in a pek an thiamna leh finna te hmanga midangte tana malsawmna ni thei tura taihmak chhuah tur leh an hmathlir theuhte tihlawhtling tura inbuatsaih turin duhsakna a hlan a ni.

STAM Proficiency Award hi kum 2017 atanga sem niin heng chawimawina hi Science leh Mathematics lama mi chhuanawm te leh mi hmingtha te hming chawia sem thin a ni a, STAM Proficiency Award dawngtute hnenah hian Rs. 10,000/- (Cash Award), Memento, STAM Dictionary leh Certificate pek an ni.