MNF party in Hnam Run Chhung Inkhawm nei

MNF party chuan nimin khan Aizawl-a Mizo Hnam Run-ah Chhung Inkhawm neiin AMC Ward No. XIX by-election neih tura Candidate tur an puang.

Nimin-a MNF Chhung Inkhawm ah hian an President Zoramthanga chuan MNF party chu ‘Pathian  leh kan ram tan’ ti tu an nih angin Pathian in kum 63 a hruai tawh tih sawiin, “Min la hruai zel dawn a, tul a tih leh kan tling leh ang a, tul a tih loh leh kan tla mai ang,” a ti a. Lok Sabha Inthlanpui neih zawh tak chungchang sawiin MNF President, Pathian in min thukru rih a, Inpuhmawhna zawng lova Pathian remruat a pawm a, Pathian in engnge min hrilh a, min zirtir a tum tih chhut zawk turin Party mite a fuih bawk.

He hunah hian Aizawl Mayor Lalrinenga Sailo chuan AMC Ward No. XIX by-election neih turah MNF Candidate chu Dr. Lalrinzuali Hrahsel D/o Dr.Z.R Thiamsanga a nih thu a puang a, MNF Sr. Vice President Dr. R. Lalthangliana chuan, “AMC by-election atan candidate tha tak kan nei a; kan Corporator te leh General Hqrs. lam pawhin theihtawp kan chhuahpui dawn a ni,” a ti a. Dr. Lalrinzuali Hrahsel pawhin thu sawiin, Women Front leh MNF Municipal Corporator ten duhsakna pangpar an hlan bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man