SELCO Foundation in Health Deptt. kutah hlan

SELCO Foundation in Mizoram-a Health Centre 331 Ni zung chakna (Solar Energy) hmanga an thawmthat te chu nimin khan Mizoram sawrkar Health & Family Welfare Department kutah hlan a ni.

Mizoram hmun kilkhawr a Health Centre te chu awmze nei leh mumal zawka thawmthat mekah SELCO Foundation te hian Mizoram hmun kilkhawr a Health Facility 331-ah Solar Energy based system (Ni zung chakna hman theihna) a bun tawh a. Heng khawl te hi Health Department kutah a enkawl chhunzawm hna pe felin a thawhkhatna atan Health Centres 438 zinga 331 chu he Ni zung chakna hmanga thawmthat leh tih changtlun a ni tawh a, a bak zawng te chu a thawhhnihna atan dah a ni.

He hmalakna hian chatlak lo leh rintlak zawk a damlo enkawlna a puih mai bakah Ni zung chakna hman hian State intodelhna leh sik leh sa inthlak avanga harsatna awm thei lakah kawng tam takin a veng thei a, tun thleng hian he thil avang hian Ni zung chakna 690 KWp zet denchhuah a ni tawh a ni.