Ni 2 awh Mizoram Sports Conclave 2024 zawhfel a ni

Ni hnih (2) chhung awh infiamna lama India rampum huap inrawnkhawmna leh zirhona, Mizo-ram Sports Conclave 2024 chu nimin khan zawhfel a ni.

Baptist Centre, Falkland-a Mizoram Sports Conclave 2024 neih chhung hian kum 2036 Olympic Games-a Mizo infiammi tam thei ang ber tel theihna’na ke pen dan tur thlirhona hun hman a ni a, nimin-a a kharna hun hman ah Sports Minister Lalnghinglova Hmar chuan Mizoram Sports Conclave 2024 hman zawh tak chuan Mizoram leh India rama infiammite hmasawnna kawngah rah tha a chhuah ngei a beisei tih sawiin, Conclave chhunga thu hrang hrangte zirhona piah lamah, Sport Association-te leh mikhual lo kal te’n remchangah la a, inbiakna leh hmalak hona hun remchang atana hma an la chu lawmawm a tih thu a sawi a, Mizoram Sports Conclave hmalakna chuan kum 2036 Olympic Games-a Mizoram in infiammi a tam thei ang ber a tirh theih beiseiawmna tur infiamnate thlurbing a nih tur thu a sawi bawk.