MPCC in Candidate puang

Aizawl Municipal Corporation (AMC) Ward No. XIX Corporator thlanna atana by-election tun thla ni 25-a neih turah MPCC President Lal Thanzara chuan an candidate atan Effie Vanlalhmangaihi an ruat tih nimin khan a puang a, Effie Vanlalhmangaihi hi MA (History) niin Venghnuai Local Council Member atan tum hnih thlan a lo ni tawh a, Congress Mahilla-ah Secretary hna a chelh mek a ni. Hemi hmalam hian ZPM leh MNF te chuan an Candidate tur puang tawhin Vawiin hian BJP chuan an puang ve leh dawn a, he inthlan chuh turte tan hian Vawiin thleng hian hming pekluh theih a ni dawn a ni.