Sports Minister in kawm

Sports & Youth Services Minister Lalnghing-lova Hmar chuan nimin khan Sports Department hotute leh Sports Authority of India (SAI), NERC, Imphal te kawmin infiamna lama hmasawnna tur hrang hrang an sawiho a, hei bakah hian Rajiv Gandhi Stadium, Mualpui-a naupang zawkte talent haichhuah nana Programme pakhat, Khelo India Rising Talent Identification Programme neih mek chungchang pawh sawi niin he intihsiakna hi June ni 7 (Zirtawpni) thleng a awh dawn a, a tum ber chu Sports lama tui leh theihna nei naupang te talent haichhuahsaka; Grassroot Level atangin practice mumal tak neihpuia, hma an sawn zel theih nana kaihruaiin, Technical support pek leh tunlai thiamna hmanga an talent tihpun a, nakin zela Mizoram tan mai ni lova International Sports Event hrang hranga India ram aiawh thei tura Infiammi te buatsaih a ni.

Olympic 2036 lo awm tura Mizoram a naupang infiammi te tel ve phak turin Mizoram a naupang infiammi ten talent an neih that thu he hunah hian sawiin, hemi a hlawhtlin ngei theih nan Sports & Youth Services Department leh SAI, NERC, Imphal te chuan thawhona tha zawk neiha, a tul anga hmalak nise tiin inremna neih a ni bawk.