Zawm bik nei dawn lo

ZPM General Hqrs. a Political Affairs Committee chu nimin khan Aizawl-a an Party Office-ah thukhawmin Lok Sabha MP  Election 2024 neih zawk taka ZPM Official Candidate Richard Vanlalhmangaiha Pathian leh mipuite zarah hnehna sang tak changa thlantlin a lo ni ta chu Pathian leh Zoram mipuite chungah lawm-thu an sawi a. “Campaign laia kan lo sawi tawh thin angin Mizoram MP chuan Parliament-ah zawm bik a nei dawn lova, Neutral a ni ang,” tiin “A thu a zir zelin (Issue Based in) a kal dawn a, kan ram tana tha ber tur ngaihtuahin  Party  thutlukna ang zelin a kal ang,” an ti bawk.